Рецепт: Зимска салата Туршија на грчки начин

Една од завршните фази на подготовката на вашата зимница може да биде спремањето на таканаречената туршија. Постојат многу различни рецепти за туршија а изборот на различен зеленчук е според вкусот. Некои велат дека е подобро да ставите зелени плодови отколку црвени.

Од зеленчук вообичаено се става пиперки, патлиџани, краставички, карфиол и моркови во количина и сооднос како што ви одговара.

Состојки

8 кг на различни зеленчук
5 литри вода
1,5 литри на оцет
7 лажици шеќер
7 лажици сол
40 g  винобран
црн пипер во зрно, ловоров лист

Подготовка

Измијте го и исчистете го зеленчукот. Наизменично редете ги различните видови зеленчук во пластично буре или во поголеми тегли. Низ зеленчукот повремено посипете зрна црн пипер и ловоров лист. Во поголем сад направете го растворот:  во ладна вода сипајте оцет, сол, шеќер и винобран. Промешајте и почекајте состојките добро да се растворат. Потоа растворот сипајте го во бурето или во теглите и затворете. Вака подготвената туршија може да се консумира после 2-3 недели а зеленчукот останува цврст до подготовката на следната туршија, под услов да се купени здрави, цврсти и квалитетни плодови.

Кај оваа туршија е интересно тоа што, ако некој зеленчук се потроши побрзо, може да се додаде нов, дури и во текот на зимата.

Погледајте ги исто така и нашите други рецепти за зимница: кисели краставички, руска салата, црвена пиперка, карфиол, домашен ајвар како и ајвар со шампињони!
Уживајте оваа зима со вашата подготвена туршија. Добар апетит!